Fyrirtækjalausnir Brimborgar kynna tvær nýjungar. Flotastjórann – Brimborg Fleet Manager, sem er hugbúnaður í skýinu sem gerir fyrirtækjum kleift að stýra bílaflota fyrirtækisins á mun hagkvæmari hátt en áður og nýja flotarekstrarþjónustu.
Flotastjórinn – Brimborg Fleet Manager
Flotastjórinn – Brimborg Fleet Manager, aðstoðar stjórnendur í fyrirtækjum við að fá betri yfirsýn yfir bílaflotann, einfaldar starf stjórnenda og þeirra sem stýra flotanum, gerir stjórnendum kleift að lækka rekstrarkostnað flotans og hámarka nýtingu hans.
Með Flotastjóranum;
- Lækkar rekstrarkostnaðinn og dregur úr umhverfisáhrifum
- Verður starf stjórnandans einfaldara
- Eykst rekstraröryggi og nýting bílaflotans
- Batnar þjónusta við viðskiptavini
- Lækkar tjónatíðnin
- Hækkar endursöluverð
- Verður útdeiling bíla á starfsmenn rafræn
Á einfaldan og skjótan hátt fær stjórnandinn upplýsingar um margvísleg frávik í notkun (kílómetrum), akstri, hraða, eldsneytisnotkun, eldsneytiskaupum, áfyllingarstað, staðsetningu bílsins, þjónustuþörf hans og hvenær á að fara með bílinn í aðalskoðun. Þannig sparar þú tíma við eftirlit og lækkar um leið rekstrarkostnaðinn og hækkar endursöluverð. Reynslan hefur einnig sýnt að tjónum fækkar með auknu aðhaldi.
Yfirsýn stjórnandans á eldsneytiskaup og annan rekstrarkostnað verður einstaklega einföld, rýni reikninga fljótlegri og nákvæmari og eftirlit með kostnaði þ.a.l. skilvirkara
Þjónusta við viðskiptavini fyrirtækisins batnar því hægt er að stýra og fylgjast með heimsóknum betur með stoppgreiningu, sjá staðsetningu bíla í rauntíma og deila bílum út á bílstjóra rafrænt sem gerir það verkefni í stórum flotum ótrúlega einfalt og sparar í fjölda bíla.
Flotastjórinn – Brimborg Fleet Manager fæst í þremur útfærslum og þú velur þá lausn sem hentar þörfum þíns fyrirtækis eða blöndu lausna.
- Connect
- Connect Plus
- Connect Premium
Sérfræðingar Brimborgar byggja á langri reynslu og ráðleggja bestu samsetningu hverju sinni.
Flotarekstrarþjónusta Brimborgar
Ný þjónusta Brimborgar Flotarekstrarþjónusta, felst í rafrænu eftirliti og reglulegri ástandsskoðun bílaflota fyrirtækja á hagkvæman og skjótan hátt. Stjórnendur fyrirtækja hafa margt á sinni könnu og bæta oft á sig stjórnun bílaflota sem er krefjandi verkefni. Hver hefur ekki lent í að gleymist að skipta um olíu sem leiðir til tjóns eða gleymt að fara með bíl í aðalskoðun og fá á sig vanrækslugjald? Við útvistun á þessum þáttum einfaldast starf stjórnandans og um leið verður flotinn í betra standi, starfsmenn ánægðari og rekstrarkostnaður lækkar.
Hafðu samband strax í dag við sérfræðinga fyrirtækjalausna Brimborgar.
