Rafbíll | Verð og styrkir til kaupa á rafbílum
Verð rafbíla og verð tengiltvinn rafbíla er misjafnt eins og bílarnir eru margir en Brimborg býður þá í miklu úrvali, í mörgum verðflokkum og með ríkulegum búnaði. Nýtt kerfi fyrir styrki til kaupa á nýjum rafbílum hefur tekið við frá 1. janúar 2024. Rafmagnsbílar njóta nú ívilnunar í formi styrks frá Loftslags- og orkusjóði. Takmarkaður fjöldi styrkja er í boði hverju ári þar sem árleg heildarfjárheimild stjórnvalda í verkefnið er með ákveðnu hámarki sem er ákveðið í fjárlögum.
Skv. núverandi reglugerð þá mun styrkur til kaupa á rafmagns fólksbílum lækka úr 900.000 kr. per bíl í 500.000 kr. per bíl þann 1. janúar 2026. Fyrir rafmagns sendibíla lækkar styrkurinn úr 500.000 kr. í 250.000 kr. þann 1. janúar 2026.
Rafbílastyrkir fyrir rafmagns fólksbíla
Styrkurinn er föst upphæð per fólksbíl og nemur 900.000 kr. fyrir nýja rafmagns fólksbíla. Rafmagnsbílastyrkurinn er háður því að kaupverð nýja rafbílsins án aukahluta sé ekki hærra en 10 milljónir króna með virðisaukaskatti og að rafbíllinn sé nýskráður á árinu sem sótt er um styrkinn. Hins vegar er rétt að benda á að stjórnvöld hafa sett þak á heildarupphæð sem varið verður til styrkja og því gætu þeir klárast innan ársins. Skv. núverandi reglugerð þá mun styrkur til kaupa á rafmagns fólksbílum lækka úr 900.000 kr. per bíl í 500.000 kr. per bíl þann 1. janúar 2026.
Umsóknarferlið er rafrænt í gegnum vefinn island.is. Sótt er um styrkinn eftir að bílakaupin eru frágengin og eftir að bíllinn er skráður á kaupanda því framvísa þarf reikning fyrir bílakaupunum og Orku- og loftslagssjóður staðfestir í gegnum Samgöngustofu að bíllinn sé nýskráður á árinu. Orku- og loftslagssjóður lofar að svara á 2 dögum ef viðeigandi upplýsingar liggja fyrir í umsókninni þ.e. reikningurinn hefur verið sendur með umsókn, reikningurinn er undir 10 milljónum með virðisaukaskatti og bíllinn sé nýskráður á árinu.
Styrkurinn gildir ekki fyrir notaða rafmagnsbíla sem þegar hafa verið nýskráðir á Íslandi enda hafa þeir að öllu líkindum fengið styrk þegar þeir voru keyptir nýir. Brimborg getur boðið notaða rafmagnsbíla í langtímaleigu sem bílaleiga Brimborgar hefur fengið ívilnun eða styrk á. Þá þarf ekki að sækja um styrk því Brimborg hefur þegar gert það þegar bíllinn var keyptur nýr.
Rafbílastyrkir til fyrirtækja fyrir rafmagns sendibíla
Styrkur til kaupa á nýjum rafmagns sendibíl undir 3,5 tonnað heildarþyngd (ökutækjaflokkur N1) er föst upphæð og nemur 500.000 kr. fyrir sendibíla sem kosta að hámarki 10 milljónir króna með virðisaukaskatti. Að auki ef bíllinn er á rauðum númeraplötum þá geta fyrirtæki innskattað 24% virðisaukaskatt af kaupverðinu ásamt því að innskatta allan rekstrarkostnað sendibílsins. Styrkurinn nýtist líka í langtímaleigu hjá Brimborg en þá sækir Brimborgar um styrkinn og leigan lækkar samsvarandi. Ef leigður er sendibíl á rauðum númerum er á sama hátt hægt að innskatta leigugreiðslur og rekstrarkostnað. Fyrir rafmagns sendibíla lækkar styrkurinn úr 500.000 kr. í 250.000 kr. þann 1. janúar 2026.
Umsóknarferlið er rafrænt í gegnum vefinn island.is. Sótt er um styrkinn eftir að bílakaupin eru frágengin og eftir að bíllinn er skráður á kaupanda því framvísa þarf reikning fyrir bílakaupunum og Orku- og loftslagssjóður staðfestir í gegnum Samgöngustofu að bíllinn sé nýskráður á árinu. Orku- og loftslagssjóður lofar að svara á 2 dögum ef veiðeigandi upplýsingar liggja fyrir í umsókninni þ.e. reikningurinn hefur verið sendur með umsókn, reikningurinn er undir 10 milljónum með virðisaukaskatti og bíllinn sé nýskráður á árinu.
Styrkur til kaupa á nýjum rafmagns sendibíl eða vörubíl yfir 3,5 tonn að heildarþyngd (ökutækjaflokkar N2 og N3) er allt að 20.000.000 kr. en þó aldrei hærri en 33% af kaupverði sendibílsins án virðisaukaskatts. Sótt er um styrki fyrir þessa bíla í kjölfar auglýsingar Orku- og loftslagssjóðs. Brimborg býður úrval rafsendibíla og rafmagnsvörubíla sem eru yfir 3,5 tonn sem uppfylla kröfur Orku- og loftslagssjóðs til styrkja en nánari upplýsingar er að finna á vef Ford á Íslandi, vef Opel á Íslandi og vef Veltis fyrir Volvo Trucks rafmagns vörubíla.
Styrkurinn gildir ekki fyrir notaða rafmagnsbíla sem þegar hafa verið nýskráðir á Íslandi enda hafa þeir að öllu líkindum fengið styrk þegar þeir voru keyptir nýir. Brimborg getur boðið notaða rafmagns sendibíla í langtímaleigu sem bílaleiga Brimborgar hefur fengið ívilnun eða styrk á. Þá þarf ekki að sækja um styrk því Brimborg hefur þegar gert það þegar bílllinn var keyptur nýr.
Rafbílastyrkir styðja við orkuskiptin
Stjórnvöld bjóða fyrrgreinda rafbílastyrki til að hraða orkuskiptum enda er ávinningurinn fyrir notendur og íslenskt samfélag mikill. En rafbílar eru hins vegar enn nokkuð dýrari í innkaupum en aðrir bílar og því er styrkurinn leið til að jafna þann mun.
