Langtímaleiga á bílum
Langtímaleiga á bílum
Langtímaleiga á nýjum eða notuðum bíl hjá Brimborg er afar hentug lausn fyrir einstaklinga og fyrirtæki. Lágmarksleigutími er 12 mánuðir og leigutaki greiðir mánaðarlegt gjald þar sem öll þjónusta er innifalin að undanskildum orkukostnaði, rúðuvökva og þrifum á bílnum sem leigutaki sér um. Hjá Langtímaleigu Brimborgar er hægt að velja um bæði nýja og notaða bíla í langtímaleigu. Smelltu á hnappinn hér fyrir neðan til að velja bíl og leigutíma, ásamt því að sjá allar upplýsingar um verð og skilmála.
Ef tekinn er bíll á langtímaleigu þá er hægt að setja eldri bíl upp í með beinum kaupum miðað við sömu forsendur. Ef lán hvílir á gamla bílnum þá aðstoðum við varðandi uppgreiðslu sem dregst þá frá verði gamla bílsins.
Við bjóðum tvær einfaldar og skjótvirkar leiðir til að fá upplýsingar.
- Spjalla við og spyrja Góa, snjallsvara Brimborgar, (niðri í hægra horninu á vefnum) sem er til reiðu allan sólarhringinn. Gói getur svarað mjög mörgum spurningum en ef ekki þá er hann snöggur að tengja þig við þjónustuborð sem kemur erindinu í réttan farveg og sérfræðingur Brimborgar verður í sambandi um hæl (á opnunartíma).
- Skoða vefinn langtimaleigaabil.is. þar sem er að finna ítarlegar upplýsingar.
Vetrarleiga á bíl
Vetrarleiga á bíl hjá Brimborg er styttri útgáfa af langtímaleigu og er eingöngu í boði fyrir notaða bíla. Þetta er vinsæll valkostur fyrir þá sem þurfa ekki langtímaleigubíl allt árið heldur einungis tímabundið, svo sem þegar tímabundið vantar annan bíl á heimilið eða bíl fyrir tiltekinn skóla- eða vinnuáfanga. Vetrarleiga getur reynst hagkvæm þar sem um er að ræða vel útbúna og nýlega bíla á góðu verði. Leigutaki greiðir mánaðarlegt gjald og innifalin er öll þjónusta nema orkukostnaður, rúðuvökvi ogþrif, sem leigutaki sér um.
Algengast er að fólk taki bíl á vetrarleigu að hausti, en hjá Langtímaleigu Brimborgar er vetrarleiga í boði hvenær sem er á tímabilinu október til apríl (hámark 7 mánuðir). Lengd leigutíma fer eftir því hvenær leigusamningur hefst og aldrei lengur en við lok vetrarleigutímabils. Lágmarksleigutími er einn mánuður.
Sumarleiga á bíl
Sumarleiga á bíl hjá Brimborg er styttri útgáfa af langtímaleigu og er eingöngu í boði fyrir notaða bíla. Þetta er vinsæll valkostur fyrir þá sem þurfa ekki langtímaleigubíl allt árið heldur einungis tímabundið, svo sem þegar tímabundið vantar annan bíl á heimilið eða stærri bíl í ferðalögin. Sumarleiga getur reynst hagkvæm þar sem um er að ræða vel útbúna og nýlega bíla á góðu verði. Leigutaki greiðir mánaðarlegt gjald og innifalin er öll þjónusta nema orkukostnaður, rúðuvökvi ogþrif, sem leigutaki sér um.
Sumarleiga er í boði hvenær sem er á tímabilinu frá maí til sept (hámark 5 mánuðir). Lengd leigutíma fer eftir því hvenær leigusamningur hefst og aldrei lengur en við lok sumarleigutímabils. Lágmarksleigutími er einn mánuður.
Að leigja langtímaleigubíl, vetrar- eða sumarleigu
Ferlið við að leigja langtímaleigubíl, vetrarleigubíl eða sumarleigubíl hjá Brimborg er bæði rafrænt og einfalt. Þú velur gerð bíls og leigutíma á netinu og sendir inn bókun. Starfsfólk okkar fer þá yfir umsóknina, óskar eftir staðfestingu á greiðsluhæfi og gerir grein fyrir næstu skrefum. Greitt er með kreditkorti og framvísa þarf gildu ökuskírteini. Leigutaki þarf að vera að minnsta kosti 21 árs gamall. Allar nánari upplýsingar og skilmála er að finna á vefsíðu langtímaleigunnar.
Nýir og notaðir bílar í langtímaleigu
Notaðir bílar sem hafa í upphafi verið keyptir sem bílaleigubílar í flota bílaleigu Brimborgar eru gjaldgengir í langtímaleigu, vetrarleigu eða sumarleigu.
Framlenging á leigu
Mikilvægt er að skila bílnum á umsömdum tíma. Ef eitthvað kemur upp á og ekki er hægt að skila á réttum tíma skal hafa samband við starfsfólk okkar með góðum fyrirvara sem mun meta hvort hægt sé að framlengja leigusamninginn. Framlenging er gegn gjaldi og frekari upplýsingar má finna í skilmálum.