Brimborg ehf.

Upplýsingar um Brimborg ehf.

Brimborg var stofnað árið 1964 sem sérhæft bílaverkstæði og fagnar því 60 ára afmæli í bílgreininni árið 2024. Fyrirtækið er bílaumboð sem selur og þjónustar nýja og notaða fólksbíla og sendibíla, rekur bílaleigu og býður bæði skammtímaleigu, sendibílaleigu og langtímaleigu.

Það býður jafnframt dekk og dekkjaþjónustu ásamt annarri hraðþjónustu fyrir allar gerðir bíla.

Brimborg selur og setur upp hleðslustöðvar fyrir rafbíla og rekur hraðhleðslustöðvar víða um land.

Þar að auki er Brimborg sölu- og þjónustuumboð fyrir vörubíla, rútur, strætisvagna, vinnuvélar, skotbómulyftara, hleðslukrana og bátavélar.

Brimborg er með starfsemi í Reykjavík, Hafnarfirði, Reykjanesbæ og á Akureyri.

Fólksbílar, sendibílar, pallbílar og minni rútur

• Brimborg er umboðsaðili á Íslandi fyrir Ford, Volvo, Polestar, Mazda, Citroën, Peugeot og Opel. Starfsemi fyrir þessi bílamerki svo sem sala nýrra bíla, sala notaðra bíla, viðgerðarþjónusta (verkstæði) og varahlutir er undir nafninu Brimborg.

Vörubílar, vinnuvélar, rútur, strætisvagnar, bátavélar, lyftarar, sturtuvagnar, tengivagnar og bílkranar (hleðslukranar)

• Einnig er félagið umboðsaðili fyrir eftirfarandi atvinnubíla og atvinnutæki:
  
  Volvo vörubílar
  Renault vörubíla
  Volvo vinnuvélar (gröfur þ.e. hjólagröfur, beltagröfur og smágröfur, hjólaskóflur og smáskóflur, skriðstýrðar skóflur, liðstýrðir trukka, búkollur og námutrukkar, malbikunarvélar, valtarar t.d. jarðvegsvaltarar og malbiksvaltarar)
  Volvo rútur og strætisvagna
  Volvo Penta bátavélar
  Dieci skotbómulyftarar
  Humus sturtuvagnar
  Reisch tengivagnar
  Hiab hleðslukranar
  Margvíslegar aðrar ábyggingar.
  
  Starfsemi fyrir þessi vörumerki svo sem sala nýrra bíla og tækja, sala notaðra bíla og tækja, viðgerðarþjónusta (verkstæði) og varahlutir er undir nafninu Veltir með starfsstöð á Hádegismóum 8.

Bílaleiga, langtímaleiga, vetrarleiga, sendibílaleiga

• Brimborg rekur bílaleigu undir eigin nafni og Saga Car Rental.
• Brimborg er jafnframt leyfishafi fyrir Thrifty Car Rental og Dollar Rent A Car á Íslandi.
• Býður bílaleigubíla fyrir innlenda sem erlenda viðskiptavini, langtímaleigu, vetrarleigu og sendibílaleigu.

Dekk og verkstæði

• Brimborg er umboðsaðili fyrir Nokian dekk á Íslandi sem seld eru hjá Brimborg og hjá MAX1 Bílavaktinni.
• Rekur einnig bílahraðþjónustu undir merkjum MAX1 Bílavaktarinnar fyrir allar tegundir bíla og almenna bílaverkstæðið Vélaland einnig fyrir allar tegundir bíla.

Hleðslustöðvar og hraðhleðsla

• Brimborg býður upp á hleðslubúnað fyrir allar tegundir rafknúinna ökutækja undir merki Íslenskrar Bílorku.
• Brimborg rekur hraðhleðslunet fyrir rafknúin ökutæki undir vörumerkinu Bílorka.

Nánar má lesa um sögu félagsins hér.

Helstu upplýsingar um Brimborg.

• Nafn: Brimborg ehf.
• Heimilisfang: Bíldshöfði 6, 110 Reykjavík (allar starfsstöðvar má skoða hér)
• Kennitala: 701277-0239
• Aðalsímanúmer: 515 7000 (símanúmer deilda má finna hér)
• Aðalnetfang: brimborg@brimborg.is
• Virðisaukaskattsnúmer: 11650
• Bankaupplýsingar: 525 26 60
• Opinber skráning: Brimborg er skráð í fyrirtækjaskrá
• Upplýsingar um starfsfólk og stjórnendur hér

 

• Eigendur

  • Jóhann Jóhannsson
  • Egill Jóhannsson
  • Margrét Rut Jóhannsdóttir
  • Margrét Egilsdóttir
  • Arnór Jósefsson
  • Aníta Ósk Jóhannsdóttir

  Stjórn Brimborgar

  • Jóhann Jóhannsson, stjórnarformaður
  • Egill Jóhannsson, meðstjórnandi
  • Margrét Rut Jóhannsdóttir, meðstjórnandi
  • Margrét Egilsdóttir, meðstjórnandi
  • Þorsteinn Arnórsson, meðstjórnandi

• Starfsleyfi og eftirlit

  • Leyfi til sölu notaðra bíla í Reykjavík frá Sýslumanninum í Reykjavík.
  • Leyfi til sölu notaðra bíla á Akureyri frá Sýslumanninum á Akureyri.
  • Leyfi til reksturs bifreiða- og vélaverkstæðis frá viðeigandi bæjarfélagi (t.d. heilbrigðiseftirliti).
  • Leyfi til reksturs hjólbarðaverkstæðis, smurverkstæðis og þvottastöðvar frá viðeigandi bæjarfélagi (t.d. heilbrigðiseftirliti).
  • Leyfi til reksturs bílaleigu frá Samgöngustofu (áður útgefið af Vegagerðinni).
  • Leyfi frá Samgöngustofu til reksturs prófunarverkstæðis (prófanir á ökuritum).
  • Leyfi til verslunarreksturs frá Sýslumanninum í Reykjavík.
  • Vinnueftirlitið sinnir lögboðnu eftirliti með starfsemi Brimborgar.
  • Heilbrigðiseftirlit viðeigandi sveitarfélaga sér um viðeigandi eftirlit þar sem starfsstöðvar Brimborgar eru staðsettar.

Greiðslur vegna kaupa bílum og atvinnutækjum

Almenna reglan er að greiðslur vegna kaupa á nýjum eða notuðum bílum, vörubílum, hópferðabílum (rútum) og öðrum atvinnutækjum eins og vinnuvélum, bátavélum, skotbómulyfturum eða ábyggingarbúnaði geta verið blanda af greiðslu með uppítöku á eldri bíl eða tæki, fjármögnun frá fjármálafyrirtæki og millifærslu peninga á bankareikning Brimborgar í íslenskum krónum. Ef kaupandi er með fjármuni í erlendri mynt þá mælir Brimborgar með að þeim sé skipt í íslenskar krónur og millifært á Brimborg.

Ekki er tekið við greiðslum í seðlum (peningaseðlum) né með kreditkorti ef upphæðir eru hærri en 500.000 kr. við kaup á bílum og atvinnutækjum. Við leigu bíla er eingöngu tekið við greiðslu með kreditkorti (ekki seðlum eða debitkorti). Kynntu þér nánari skilmálar hjá bílaleigu. Við kaup á varahlutum, dekkjum og þjónustu verkstæða er tekið bæði við peningaseðlum og greiðslukortum, bæði kreditkortum og debitkortum.

Þú getur keypt nýja og notaða bíla í Vefsýningarsölum Brimborgar og stóra atvinnubíla og atvinnutæki hjá Velti.

Vefsýningarsalur notaðra bíla

Vefsýningarsalur notaðra bíla

Stórir atvinnubílar og atvinnutæki hjá Velti

Áreiðanleikakannanir við bílakaup

Í samræmi við lög nr. 140 / 2018 um aðgerðir gegn peningaþvætti og fjármögnun hryðjuverka er bílaumboð eins og Brimborg tilkynningarskyldur aðili. Það þýðir að starfsfólk Brimborgar þarf að gera áreiðanleikakönnun á einstaklingum og fyrirtækjum (lögaðilum) sem kaupa nýja bíla eða notaða bíla, vörubíla og rútur (skráningarskyldar bifreiðar) hjá Brimborg.

Í lögunum segir m.a. að "markmið laga þessara er að koma í veg fyrir peningaþvætti og fjármögnun hryðjuverka með því að skylda aðila sem stunda starfsemi er kann að verða notuð til peningaþvættis eða fjármögnunar hryðjuverka til að þekkja deili á viðskiptamönnum sínum og starfsemi þeirra og tilkynna um það til lögbærra yfirvalda vakni grunur um eða verði þeir varir við slíka ólögmæta starfsemi."

Við kaup er mikilvægt að viðskiptavinur geti gert grein fyrir sér á sannanlegan hátt með rafrænum skilríkjum og við reynsluakstur geti sýnt gilt ökuskírteini.

Uppfært 4.3.2025