Uppítaka
Uppítaka - bíll settur upp í bílakaup eða langtímaleigu hjá Brimborg
Uppítaka. Skiptu um bíl á einfaldan og öruggan hátt með bílakaupum eða langtímaleigu hjá Brimborg
Settu gamla bílinn þinn upp í nýjan eða notaðan bíl hjá Brimborg – engin sölulaun og við sjáum um allt ferlið.
Þú getur sett gamla bílinn þinn upp í nýjan eða notaðan bíl með uppítöku, þ.e. bílaskipti upp í annan bíl í sölu hjá Brimborg eða langtímaleigu hjá Brimborg. Við tökum flestar gerðir bíla upp í ef uppítökubíllinn er á númerum, skráður í umferð hjá Samgöngustofu og gangfær (má vera skemmdur eða bilaður). Ef bíll er ekki fluttur inn af umboði bílsins hér á landi þá getum við tekið þannig bíla uppí en þó með þeim fyrirvara að skoða þarf þætti eins og þjónustusögu frá upphafi (t.d. útfyllt þjónustubók), staða ábyrgðar, forskráningardag, fyrsta skráningardag í öðru landi, nýskráningardag (árgerð er ekki skráð á Íslandi), ástand dekkja og atriði sem mögulega eru ekki í samræmi við búnað og tækni bíla sem fluttir eru inn af viðkomandi umboði. Ferlið er einfalt og fljótlegt.
Brimborg tekur ekki uppí húsbíla, mótorhjól (bifhjól), fjórhjól, vélsleða, vinnuvélar, dráttarvélar (traktora), tjaldvagna, hjólhýsi, kerrur, fasteignir, málverk eða aðra lausafjármuni.
Við sjáum um allt meðal annars eigendaskipti, afsal og tilkynningar til Samgöngustofu og tryggingarfélags þíns. Þú greiðir engin sölulaun þegar þú skiptir bíl upp í annan bíl hjá okkur.
Hægt er að setja fleiri en einn eldri bíl upp í kaup á einum bíl. Ef tekinn er bíll á langtímaleigu þá er hægt að setja eldri bíl upp í með beinum kaupum. Ef lán hvílir á gamla bílnum þá aðstoðum við varðandi uppgreiðslu sem dregst þá frá uppítökuverði gamla bílsins.
Brimborg í Reykjavík tekur ekki notaða bíla í umboðssölu af þriðja aðila þar sem við höfum ekki aðstöðu til þess heldur selur eingöngu notaða bíla í sinni eigu. Brimborg gerir ekki verðmat á notuðum bílum nema um sé að ræða uppítöku upp í kaup á bíl hjá Brimborg. Brimborg Akureyri Tryggjabraut 5 býður þá þjónustu að taka notaða bíla í umboðssölu af þriðja aðila og gerir verðmat á líklegu ásettu verði þegar bíll er kominn í umboðsölu á starfsstöð Brimborgar á Akureyri.
Hvernig virkar uppítakan?
-
Finndu rétta bílinn
Skoðaðu úrvalið af nýjum og notuðum bílum í Vefsýningarsölum. Þegar þú hefur fundið rétta bílinn sendir þú inn upplýsingar um þig og bílinn sem þú vilt skipta uppí (setja uppí) t.d. bílnúmer, bíltegund og gerð, akstur í km, hvort bíllinn sé sjálfskiptur eða beinskiptur, hver er staða ábyrgðar og þjónustusögu og hverjar þínar væntingar séu um verð. -
Fáðu tilboð og sendu inn upplýsingar um gamla bílinn
Þegar þú hefur fundið bíl sem þér líst á, smelltu á „Fá tilboð“ og settu inn upplýsingar um bílinn sem þú vilt skipta uppí annan bíl hjá Brimborg. Flestir gerðir bíla eru gjaldgengar í uppítöku ef þeir eru skráðir ökuhæfir í umferð hjá Samgöngustofu, á númerum og þú getur ekið bílnum til okkar í Brimborg. Uppítökubíllinn þarf ekki að vera fullkominn og má vera skemmdur eða bilaður. Því betur sem þú lýsir bílnum þínum því nákvæmara verðmat getum við gert og tilboð í uppítökuverð. -
Fáðu verðmat og tilboð
Söluráðgjafar Brimborgar meta uppítökubílinn þinn og senda þér áætlað uppítökuverð og líklegt, ásett söluverð, verðmat á uppítökubíl. Ef þú ert sáttur við verðmatið og milligjöfina þá er uppítökubíllinn þinn settur í söluskoðun sem er þér að kostnaðarlausu. Þú færð í framhaldi tilboð í milligjöf og möguleikar eru skoðaðir á hagkvæmri fjármögnun ef óskað er. Kaupverð bílsins, uppítakan og uppítökuverðmatið er síðan endanlega staðfest þegar bæði kaupandi og söluráðgjafi fyrir hönd Brimborgar hafa undirritað samning um kaup og uppítöku.
Eftirfarandi upplýsingar um uppítökubílinn þurfum við að fá þegar þú óskar eftir uppítöku.
Til að verðmatið verði sem nákvæmast, vinsamlegast skráðu alltaf:
- Bílnúmer
- Tegund og gerð
- Akstur (km)
- Hvort bíllinn er sjálfskiptur eða beinskiptur
- Stöðu ábyrgðar, þjónustusögu og hvort bílnum fylgi útfyllt þjónustubók
- Gerð dekkja undir bílnum (t.d. sumardekk, vetrardekk) og ástand þeirra
- Þínar væntingar um verð
Við verðmat er ekki horft til árgerðar bílsins enda er árgerð ekki tilgreind við nýskráningu bíla á Íslandi. Hins vegar horfum við til forskráningardags og nýskráningardags á Íslandi og fyrsta skráningardags í öðru landi ef bíllinn var fyrst skráður utan Íslands. Við mati á aldri bílsins er því miðað við fyrsta skráningardag í öðru landi ef sú dagsetning er eldri en nýskráningardagur á Íslandi.
Verðmat notaðra bíla þ.e. mat á uppítökuverði og líklegu ásettu verði er aðeins gert fyrir uppítökubíla þ.e. fyrir bíla sem settir verða uppí kaup á bílum hjá Brimborg. Því er ekki gert verðmat eða mat á ásettu verði fyrir t.d. beina sölu, mat fyrir tryggingarfélög vegna tjónauppgjörs eða mat vegna dánarbúa svo dæmi séu tekin.
Hafðu í huga að uppítökubíllinn þarf að vera á númerum, skráður í umferð hjá Samgöngustofu og gangfær en hann má vera bilaður.
-
Uppítökubíllinn sem útborgun
Uppítökuverðið, verðmætið sem fæst fyrir gamla bílinn, þinn reiknast sem útborgun fyrir nýjan eða notaðan bíl sem keyptur er hjá Brimborg. Viltu taka lán fyrir mismuninum? Við aðstoðum þig við að finna hagstæða fjármögnun. -
Við sjáum um öll formsatriði
Engar áhyggjur af pappírsvinnu – við sjáum um eigendaskipti, afsal og allar tilkynningar til Samgöngustofu og tryggingarfélagsins þíns. Þú greiðir engin sölulaun ef þú skiptir um bíl hjá okkur.
Af hverju uppítaka hjá Brimborg?
-
- Engin sölulaun – þú sparar tíma og pening.
- Einfalt og hratt ferli – við sjáum um allt frá upphafi til enda.
- Hagstæð fjármögnun – ef þú þarft lán fyrir mismuninum, finnum við lausn sem hentar þér.
- Mikið úrval nýrra og notaðra bíla – finna má fjölbreyttar tegundir og verðflokka til sölu hjá Brimborg eða í langtímaleigu. Uppítaka gildir bæði við kaup og langtímaleigu.