Innkaupastefna
Innkaupastefna Brimborgar
Innkaupastefna Brimborgar byggir í megindráttum á gæðastefnu félagsins, undirstefnum og gildum sem endurspeglast í kjörorðinu “Öruggur staður til að vera á” og fer val á birgjum, verktökum og öðrum samstarfsaðilum eftir því hversu vel þeir samræmast fyrrgreindum þáttum.
Birgjar innanlands
Við kaup á vörum og þjónustu er horft til gæða, sjálfbærnisjónarmiða, þjónustustig og verð og ákvarðanir um samninga eða stærri kaup eru ávallt teknar af innkaupanefnd. Við stærri samninga er metið hvort eigi að fara í útboð og hvers eðlis útboðið skal vera og sömuleiðis er horft til viðskiptasögu birgja hjá Brimborg.
Innkaupaferli eru gagnsæ, gætt er jafnræðis og lögð áhersla á hagkvæmni í samhengi við gæði við innkaup með fyrrgreindar áherslur í huga.
Birgjar erlendis
Brimborg á yfirleitt í langtímaviðskiptasamböndum við erlenda birgja og þegar ákvarðanir eru teknar um að taka upp viðskiptasamband við erlendan aðila er einnig horft til gæða, sjálfbærnisjónarmiða, þjónustustig og verðs.
Innkaupaferli eru gagnsæ og lögð áhersla á að hlýta ferlum erlendra birgja til að tryggja gæði áfram til viðskiptavina Brimborgar.
Kröfur Brimborgar til sinna birgja eiga að vera að auki almennt í samræmi við stefnur Brimborgar sem finna má á vef félagsins þó gera megi undantekningar að teknu tilliti til eðlis þjónustu birgja og stærðar hans.
Here you can find the Procument Policy for Brimborg in english:
Síðast uppfært 24.2.2023