Ábyrgð bíla

Ábyrgð eftir kaup á nýjum og notuðum bílum

Öllum bílum sem keyptir eru hjá Brimborg fylgir ábyrgð samkvæmt íslenskum neytendalögum auk þess sem Brimborg býður framlengda ábyrgð. Ábyrgð bíla tekur til galla sem kunna að koma í ljós innan tveggja ára frá afhendingu nýs bíls og í ákveðnum tilvikum í allt að 5 ár frá afhendingu nýs bíls ef galli kemur fram, að því gefnu að sýnt sé fram á galla skv. lögum.

Í þessu samhengi þarf að hafa í huga aldur bíls, akstur, kaupverð, þjónustusögu og aðrar forsendur kaupanna. Mikilvægt er að láta seljanda (Brimborg) vita af mögulegum galla eins fljótt og auðið er í samræmi við skyldur kaupanda skv. lögum, þannig að seljandi geti bætt úr honum en dráttur á tilkynningu um galla getur haft áhrif á réttindi til að fá gallann bættan án kostnaðar.

Brimborg leggur áherslu á mikilvægi þess að fylgja þeim leiðbeiningum sem gefnar eru við kaup og þjónustu á bílum til að tryggja réttindi eiganda. Framlengd ábyrgð Brimborgar gildir eingöngu á Íslandi og gildir eingöngu um bíla sem fluttir eru inn af Brimborg ehf. Framlengd ábyrgð fellur niður ef þjónustureglum er ekki fylgt t.d. ef ekki er mætt á réttum tíma í þjónustuskoðun sem gildir bæði um akstur og tíma. Brimborg leggur sig fram um að minna eigendur á tíma í þjónustuskoðun en eigendaskipti á bílum og breytinar á tengslaupplýsingum geta haft þau áhrif að ekki næst samband við eiganda. Það er alfarið á ábyrgð eiganda ökutækis að mæta á réttum tíma og því hvetur Brimborg eigendur til að uppfæra upplýsingar sínar hjá Brimborg sem má gera með því að upplýsa Góa stafrænan ráðgjafa á netinu um nýjar upplýsingar. Það er á ábyrgð eiganda að greiða fyrir þjónustuskoðun.

Við afhendingu nýrrar bifreiðar fer söluráðgjafi yfir þjónustureglur bifreiðarinnar. Til viðbótar við almenna skilmála gefur Brimborg út viðaukaábyrgð þar sem fram koma viðbótarréttindi, skyldur kaupanda og það sem er undanþegið viðbótarréttindum sem söluráðgjafi fer yfir við afhendingu. Kaupandi ber kostnað af reglulegu þjónustueftirliti til að viðhalda ábyrgð.

Bilun sem rekja má til breytinga á bifreiðinni, notkunar á rangri olíu, röngum vara- eða íhlutum, skorts á viðhaldi eða röngu viðhaldi telst ekki galli og fellur því ekki undir kvörtunarréttinn eða framlengda verksmiðjuábyrgð. Óbeinn kostnaður, hagnaðar- eða tekjutap hjá eiganda, flutningur, dráttur, sími, gisting, eignatjón eða glötuð verðmæti eru ekki bætt og falla ekki undir kvörtunarréttinn.

Viðbótarréttindi vegna framlengds ábyrgðartíma frá Brimborg er háð eftirfarandi, ófrávíkjanlegum, skilyrðum:

Að mætt sé með bifreiðina í reglulega þjónustu og viðhald á þjónustuverkstæði Brimborgar eða hjá viðurkenndum þjónustuaðilum Brimborgar frá nýskráningardegi og út ábyrgðartíma skv. fyrirmælum framleiðanda sem koma fram í þjónustuyfirliti frá framleiðanda /þjónustu- og eigandahandbók. Kostnaður vegna reglulegrar þjónustu og viðhalds er ávallt greiddur af eiganda bifreiðarinnar.
Bilun sé ekki hægt að rekja til ytri orsaka og/eða náttúrufyrirbæra, óeðlilegrar notkunar eða misbeitingar.
Ekki hafi átt sér stað vanræksla af ásettu ráði eða vegna vítaverðs gáleysis sem sé ástæða bilunar.
Skráning þjónustuskoðana og viðhalds sé sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða lögmætum reikning viðurkennds þjónustuverkstæðis framvísað.
Viðbótarréttur vegna framlengds ábyrgðartímartíma gildir eingöngu á Íslandi og gildir eingöngu um bíla sem fluttir eru inn og keyptir af Brimborg ehf.
Viðbótarréttur fellur niður ef ekki er mætt á réttum tíma í þjónustuskoðun sem gildir bæði um akstur og tíma. Það er alfarið á ábyrgð eiganda ökutækis að mæta á réttum tíma. Brimborg leggur sig fram um að minna eigendur á tíma í þjónustuskoðun en eigendaskipti á bílum og breytinar á tengslaupplýsingum geta haft þau áhrif að ekki næst samband við eiganda. Það er alfarið á ábyrgð eiganda ökutækis að mæta á réttum tíma og því hvetur Brimborg eigendur til að uppfæra upplýsingar sínar hjá Brimborg sem má gera með því að upplýsa Góa stafrænan ráðgjafa á netinu um nýjar upplýsingar.

Eftirtalið er undanþegið viðbótarréttindum:

Viðhaldshlutir sem ætlað er að skipta um eða fylla á reglulega á líftíma bíls, stillingar, upplitun, sprungur eða aflögun vegna eðlilegrar notkunar og aldurs. Rafgeymar, fjarstýringar, þurrkublöð, ljósabúnaður, hljómflutningstæki, skjáir, lakk, rúður, rakaskemmdir vegna vatnsleka, afgas- og pústkerfi þar með talið sótagnasíur, nemar og hvarfakútur, jafnvægisstangir og tengi, stýrisendar, hlífðarhosur, demparar, kúplingsdiskur, kúplingspressa og lega, hleðslukaplar og aukahlutir settir í hérlendis og eiga ekki uppruna sinn hjá framleiðanda bifreiðarinnar.

Mikilvæg ábending frá Brimborg:

Brimborg vill benda á mikilvægi þess að eigandi fylgist reglulega með eftirfarandi atriðum á milli þjónustuskoðana þ.e. vélarolíu, kælivökva, hemlavökva, loftþrýstingi í dekkjum og ljósabúnaði.

Innkallanir bíla

Auglýsi framleiðandi innköllun á tiltekinni bílgerð fer af stað formlegt ferli hjá Brimborg. Félagið hefur samband við eigendur þeirra bíla sem innköllun nær til (ef tengslaupplýsingar eru til staðar) ef bílarnir hafa verið fluttir inn af Brimborg. Umræddur bíll er þá boaður í viðgerð til að lagfæra bilun sem er ástæða innköllunar. Ferlið er nákvæmlega skráð í upplýsingakerfi Brimborgar, boðun í innköllun getur verið með bréfi, tölvupósti, símtali eða sms. Eigandi velur þann tíma sem honum, hentar að láta framkvæma innköllun, pantar rafrænt sjálfur í Noona appinu eða hjá Góa, stafrænum ráðgjafa á vefnum, tíma á verkstæði fyrir innköllunarviðgerð sbr. nánari lýsingu hér neðst á síðunni.

Faglegt kaupferli og framlengd ábyrgð hjá Brimborg

Nákvæm skráning: Allt kaupferli og samningar eru skráð í viðskipta- og tengslaupplýsingakerfi.
Reynsluakstur: Hvatt er til að kaupandi reynsluaki bílnum áður en kaup eru staðfest.
Ástandsskoðun: Kaupendur eiga rétt á að láta óháðan aðila skoða notaðan bíl ef óskað er áður en kaupin fara fram.

Til viðbótar við lögbundna ábyrgð býður Brimborg framlengda ábyrgð á bæði nýjum og notuðum bílum sem getur náð yfir bílinn í heild eða einstaka hluta, allt eftir skilmálum hverju sinni.

Framlengd ábyrgð Brimborgar – Notaðir bílar

Oft eru notaðir bílar sem Brimborg selur enn í verksmiðjuábyrgð og/eða í framlengdri ábyrgð Brimborgar frá því þeir voru keyptir nýir. Í Vefsýningarsal notaðra bíla sérðu hvenær ábyrgðartími rennur út ef ábyrgð er enn í gildi.

Vefsýningarsalur notaðra bíla

Framlengd ábyrgð Brimborgar – Nýir bílar

Upplýsingar um framlengda ábyrgð á nýjum bílum frá Brimborg má finna hér fyrir neðan. Í Vefsýningarsal nýrra bíla er hægt að skoða nýja bíla sem eru á lager eða í pöntun.

Vefsýningarsalur nýrra bíla

5 ára ábyrgð og 8 ára drifrafhlöðuábyrgð á nýjum Ford

Brimborg býður framlengda verksmiðjuábyrgð í allt að 5 ár eða að 100.000 km, hvort sem kemur á undan fjöldi km eða tími. Ábyrgðin er háð því að bíllinn fylgi þjónustuferli framleiðanda og Brimborgar og greiðist þjónusta af bíleiganda.
Drifrafhlöður í rafbílum og tengiltvinnbílum hafa 8 ára ábyrgð eða að 160.000 km, hvort sem kemur á undan fjöldi km eða tími og miðast ábyrgðin við að hleðslugetan fari ekki á ábyrgðartímanum niður fyrir tiltekið hlutfall af upphaflegri hleðslugetu. Það getur verið misjafnt eftir bílgerðum en oft miðað við 70%.
Ábyrgðin gildir einungis fyrir bíla sem fluttir eru inn af Brimborg og keyptir hjá Brimborg, hvort sem um ræðir fólksbíla, jeppa, pallbíla eða sendibíla. Bílar sem ekki eru fluttir inn af Brimborg heldur beint inn frá Evrópu eru aðeins með grunn verksmiðjuábyrgð og eru ekki með framlengda ábyrgð Brimborgar.
Ábyrgð Ford bíla frá Bandaríkjunum og Kanada (Norður Ameríku) sem Brimborg flytur inn og keyptir eru af Brimborg er 2 ár.
Til að viðhalda ábyrgð þarf skráning þjónustuskoðana og viðhalds að vera sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða á lögmætum reikning viðurkennds þjónustuverkstæðis sem er framvísað.
Nánari upplýsingar er hægt að fá hjá í eiganda- og þjónustuhandbók viðkomandi bíls, skilmálum sem afhentir voru með bílnum við afhendingu eða hjá Góa, stafrænum ráðgjafa á vefnum.

Skv. fyrirmælum framleiðanda Ford þá er ábyrgð (verksmiðjuábyrgð) ekki gild á Íslandi fyrir bíla sem seldir voru upphaflega í Bandaríkjunum eða Kanada (Norður Ameríku) og síðar fluttir til Íslands. Framlengd ábyrgð Brimborgar gildir ekki fyrir þessa bíla.

Ítarlegri upplýsingar um ábyrgð má finna á Ford vefnum Ford á Íslandi

5 ára ábyrgð og 8 ára drifrafhlöðuábyrgð á nýjum Volvo

Brimborg býður framlengda verksmiðjuábyrgð í allt að 5 ár eða að 100.000 km, hvort sem kemur á undan fjöldi km eða tími. Ábyrgðin er háð því að bíllinn fylgi þjónustuferli framleiðanda og Brimborgar og greiðist þjónusta af bíleiganda.
Drifrafhlöður í rafbílum og tengiltvinnbílum hafa 8 ára ábyrgð eða að 160.000 km, hvort sem kemur á undan fjöldi km eða tími og miðast ábyrgðin við að hleðslugetan fari ekki á ábyrgðartímanum niður fyrir tiltekið hlutfall af upphaflegri hleðslugetu. Það getur verið misjafnt eftir bílgerðum en oft miðað við 70%.
Ábyrgðin gildir einungis fyrir bíla sem fluttir eru inn af Brimborg og keyptir hjá Brimborg, hvort sem um ræðir fólksbíla eða jeppa. Bílar sem ekki eru fluttir inn af Brimborg heldur beint inn frá Evrópu eru aðeins með grunn verksmiðjuábyrgð og eru ekki með framlengda ábyrgð Brimborgar.
Til að viðhalda ábyrgð þarf skráning þjónustuskoðana og viðhalds að vera sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða á lögmætum reikning viðurkennds þjónustuverkstæðis sem er framvísað.
Nánari upplýsingar er hægt að fá hjá í eiganda- og þjónustuhandbók viðkomandi bíls, skilmálum sem afhentir voru með bílnum við afhendingu eða hjá Góa, stafrænum ráðgjafa á vefnum.

Skv. fyrirmælum framleiðanda þá þarf að athuga sérstaklega í hvert sinn hvort ábyrgð (verksmiðjuábyrgð) sé gild á Íslandi fyrir bíla sem seldir voru upphaflega í Bandaríkjunum eða Kanada (Norður Ameríku) og síðar fluttir til Íslands. Framlengd ábyrgð Brimborgar gildir ekki fyrir þessa bíla.

Ítarlegri upplýsingar um ábyrgð má finna á Volvo vefnum Volvo á Íslandi

5 ára ábyrgð og 8 ára drifrafhlöðuábyrgð á nýjum Polestar

Brimborg býður framlengda verksmiðjuábyrgð í allt að 5 ár eða að 100.000 km, hvort sem kemur á undan fjöldi km eða tími. Ábyrgðin er háð því að bíllinn fylgi þjónustuferli framleiðanda og Brimborgar og greiðist þjónusta af bíleiganda.
Drifrafhlöður í rafbílum og tengiltvinnbílum hafa 8 ára ábyrgð eða að 160.000 km, hvort sem kemur á undan fjöldi km eða tími og miðast ábyrgðin við að hleðslugetan fari ekki á ábyrgðartímanum niður fyrir tiltekið hlutfall af upphaflegri hleðslugetu. Það getur verið misjafnt eftir bílgerðum en oft miðað við 70%.
Ábyrgðin gildir einungis fyrir bíla sem fluttir eru inn af Brimborg og keyptir hjá Brimborg, hvort sem um ræðir fólksbíla eða jeppa. Bílar sem ekki eru fluttir inn af Brimborg heldur beint inn frá Evrópu eru aðeins með grunn verksmiðjuábyrgð og eru ekki með framlengda ábyrgð Brimborgar.
Til að viðhalda ábyrgð þarf skráning þjónustuskoðana og viðhalds að vera sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða á lögmætum reikning viðurkennds þjónustuverkstæðis sem er framvísað.
Nánari upplýsingar er hægt að fá hjá í eiganda- og þjónustuhandbók viðkomandi bíls, skilmálum sem afhentir voru með bílnum við afhendingu eða hjá Góa, stafrænum ráðgjafa á vefnum.

Ítarlegri upplýsingar um ábyrgð má finna á Polestar vefnum Polestar á Íslandi

5 ára ábyrgð og 8 ára drifrafhlöðuábyrgð á nýjum Mazda

Almennt er ábyrgð Mazda framleiðandans 3 ár eða að 100.000 km en Brimborg bætir við tveimur árum skv. viðaukaskilmálum og er því ábyrgðin allt að 5 ár eða að 100.000 km. Brimborg býður framlengda verksmiðjuábyrgð í allt að 5 ár eða að 100.000 km, hvort sem kemur á undan km eða tími á eldsneytisbílum eða tengiltvinnbílum og 6 ára ábyrgð eða að 150.000 km á rafbílnum Mazda 6e, hvort sem kemur á undan km fjöldi eða tíma. Ábyrgðin er háð því að bíllinn fylgi þjónustuferli framleiðanda og Brimborgar og greiðist þjónusta af bíleiganda.
Drifrafhlöður í rafbílum og tengiltvinnbílum hafa 8 ára ábyrgð eða að 160.000 km, hvort sem kemur á undan fjöldi km eða tími og miðast ábyrgðin við að hleðslugetan fari ekki á ábyrgðartímanum niður fyrir tiltekið hlutfall af upphaflegri hleðslugetu. Það getur verið misjafnt eftir bílgerðum en oft miðað við 70%.
Ábyrgðin gildir einungis fyrir bíla sem fluttir eru inn af Brimborgar og keyptir hjá Brimborg, hvort sem um ræðir fólksbíla, jeppa, pallbíla eða sendibíla. Bílar sem ekki eru fluttir inn af Brimborg heldur beint inn frá Evrópu eru aðeins með grunn verksmiðjuábyrgð og eru ekki með framlengda ábyrgð Brimborgar.
Ábyrgð Ford bíla frá Bandaríkjunum og Kanada (Norður Ameríku) sem Brimborg flytur inn og keyptir eru af Brimborg er 2 ár.
Til að viðhalda ábyrgð þarf skráning þjónustuskoðana og viðhalds að vera sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða á lögmætum reikning viðurkennds þjónustuverkstæðis sem er framvísað.
Nánari upplýsingar er hægt að fá hjá í eiganda- og þjónustuhandbók viðkomandi bíls, skilmálum sem afhentir voru með bílnum við afhendingu eða hjá Góa, stafrænum ráðgjafa á vefnum.

7 ára ábyrgð og 8 ára drifrafhlöðuábyrgð á nýjum Citroën, Peugeot og Opel

Brimborg býður framlengda verksmiðjuábyrgð í allt að 7 ár eða að 100.000 km, hvort sem kemur á undan km eða tími. Ábyrgðin er háð því að bíllinn fylgi þjónustuferli framleiðanda og Brimborgar og greiðist þjónusta af bíleiganda.
Drifrafhlöður í rafbílum og tengiltvinnbílum hafa 8 ára ábyrgð eða að 160.000 km, hvort sem kemur á undan km eða tími og miðast ábyrgðin við að hleðslugetan fari ekki á ábyrgðartímanum niður fyrir tiltekið hlutfall af upphaflegri hleðslugetu. Það getur verið misjafnt eftir bílgerðum en oft miðað við 70%.
Ábyrgðin gildir einungis fyrir bíla sem fluttir eru inn af Brimborgar og keyptir hjá Brimborg, hvort sem um ræðir fólksbíla, jeppa, pallbíla eða sendibíla. Bílar sem ekki eru fluttir inn af Brimborg heldur beint inn frá Evrópu eru aðeins með grunn verksmiðjuábyrgð og eru ekki með framlengda ábyrgð Brimborgar.
Til að viðhalda ábyrgð þarf skráning þjónustuskoðana og viðhalds að vera sannarlega skráð í upplýsingakerfi Brimborgar, þjónustubók bílsins eða gagnagrunn framleiðanda eftir því sem við á eða á lögmætum reikning viðurkennds þjónustuverkstæðis sem er framvísað.
Nánari upplýsingar er hægt að fá hjá í eiganda- og þjónustuhandbók viðkomandi bíls, skilmálum sem afhentir voru með bílnum við afhendingu eða hjá Góa, stafrænum ráðgjafa á vefnum.

Ítarlegri upplýsingar um ábyrgð má finna á vefnsvæðum Opel, Citroën og Peugeot.

HVERT SNÝ ÉG MÉR VARÐANDI ÁBYRGÐAVIÐGERÐIR?

Ef upp kemur bilun sem eigandi bíls telur að sé vegna galla og falli því undir ábyrgð er mikilvægt að eigandi bóki tíma á verkstæði og komi með bílinn án tafar á viðeigandi verkstæði svo hægt sé að ganga úr skugga um hvort um galla sé að ræða, hvort bilun falli undir ábyrgð og hvort ábyrgð sé enn í gildi. Dráttur á að hafa samband og koma með bíl í skoðun vegna bilunar getur haft áhrif á réttindi þín til að fá galla bættan án kostnaðar.

Þú bókar tíma í Noona appinu eða hjá Góa, stafrænum ráðgjafa á vefnum. Þú velur þjónustuþáttinn ábyrgðarviðgerð og lýsir bilun. Mætir síðan með bílinn á það verkstæði Brimborgar sem tími var bókaður hjá og hefur meðferðis eiganda- og þjónustuhandbók Allir viðurkenndir þjónustuaðilar geta einnig annast viðgerðir sem falla undir ábyrgð og því er hægt að hafa beint samband við viðeigandi þjónustuaðila og panta tíma.

Ábyrgðarviðgerðir og innkallanir bíla sem ekki eru fluttir inn af Brimborg

Brimborg veitir þessum bílum þjónustu til að lagfæra bilun en staðfesta þarf hverju sinni hvort bilun fellur undir verksmiðjuábyrgð framleiðanda eða hvort um innköllun er að ræða. Hjá sumum framleiðendum gildir verksmiðjuábyrgð ekki ef bíllinn er í upphafi seldur í öðru landi en á Íslandi t.d. í Bandaríkjunum eða Kanada (Norður Ameríku) og þaðan fluttur til Íslands. Upplýsingar um hvaða bíll er keyptur og hvenær og fyrsta skráningardag bílsins í upprunalandinu þurfa að koma fram til að hægt sé að ganga úr skugga um hvort verksmiðjuábyrgð gildi eða ekki. Framlengd ábyrgð Brimborgar er ekki í boði fyrir bíla sem ekki eru fluttir inn af Brimborg og keyptir af Brimborg.

Við bjóðum hins vegar alltaf viðgerðarþjónustu fyrir bíla af fyrrgreindum tegundum þó þeir séu ekki fluttir inn af Brimborg og sama á við um húsbíla sem eru byggðir á grindum frá okkar framleiðendum. Þjónustan við þá bíla getur þó verið takmörkuð þar sem þjálfun, reynsla og réttur tækjabúnaður er mögulega ekki til staðar og varahluti þarf mögulega að sérpanta.

Panta tíma í ábyrgðarviðgerð eða innköllun

Þú getur pantað tíma í ábyrgðarviðgerð eða innköllun á verkstæðum Brimborgar hér á vefnum, beint í Noona appinu eða hjá Góa, stafrænum ráðgjafa á vefnum.
Eftir bókun færðu staðfestingu með SMS og við sendum áminningar fjórum dögum og degi áður en þjónustan á sér stað.
Á vefnum geturðu fundið lausa tíma, bókað eða afbókað og einnig sent fyrirspurn.
Ef bíllinn er frá Ford, Volvo, Polestar, Mazda, Citroën, Peugeot eða Opel, keyptur hjá Brimborg og er innan ábyrgðartíma vegna innköllunar eða staðfests galla, getur eigandi óskað eftir bíl frá þjónustuleigu Brimborgar ef laus bíll er til staðar. Vegna reglulegrar þjónustu eða viðgerðar býðst þjónustuleigubíll gegn gjaldi ef hann er bókaður við pöntun.

Panta tíma á verkstæði

Með lengri ábyrgð hjá Brimborg geturðu ekið af stað með örugga tilfinningu og hugarró.

Ég vil kvarta eða senda ábendingu vegna ábyrgðar eða innköllunar. Hvernig geri ég það?

Ef þú upplifir bilun innan ábyrgðartíma sem þú telur vera galla þá er fyrsta skrefið að bóka tíma á verkstæði hjá Brimborg eins og fyrr er líst. Ef þú telur að afgreiðsla Brimborgar sé ekki sanngjörn og vilt senda inn kvörtun eða ábendingu þá tökum við því alvarlega, setjum erindið í skráð ferli sem fer til viðeigandi ábyrgðaraðila og við svörum eins hratt og kostur er. Smelltu til að senda inn Hrós, ábendingu eða kvörtun.

HRÓS, ÁBENDING, KVÖRTUN

Ef þú telur að málsmeðferð og niðurstaða vegna kvörtunar eða ábendingar til Brimborgar sé ekki rétt og Brimborg hefur upplýst að um lokaniðurstöðu sé að ræða af hálfu félagsins þá mælir Brimborg með að þú hafir samband við Úrskurðarnefnd Bílgreina. Aðilar að henni eru Bílgreinasambandið (BGS) hagsmunasamtök bílgreinarinnar) og Félag íslenskra Bifreiðaeigenda (FÍB) auk þess sem oddamaður er skipaður af ráðherra. Einnig er hægt að hafa samband beint við FÍB fyrir félagsmenn eða beint við Neytendasamtökin fyrir þau sem eru félagsmenn þar.