Liprari og umhverfisvænni Citroën C1

Citroën C1 árgerð 2012.

 
Skynsemi og notagildi að leiðarljósi
Nýi Citroën C1 hefur fengið nýtt og glæsilegt útlit sem hvarvetna hefur fengið frábærar viðtökur síðan hann var frumsýndur á bílasýningunni í Brussel í janúar. Nýi C1 er aðeins 3,44 metrar á lengd sem gerir hann stysta bíl hins franska framleiðanda og fæst hann bæði 3-dyra og 5-dyra. Nýi C1 er ákjósanlegur kostur fyrir þá sem vilja hagkvæman og umhverfisvænan bíl sem jafnframt rúmar vel fjóra uppkomna einstaklinga. Nýi Citroën C1 er lipur og þýður í borgarakstri og stærð hans gerir hann því jafnt að skynsamlegum kosti í borgarakstri og frábærum ferðabíl utanbæjar.

Eyðslugrannur og vistvænn
Nýi C1 er bæði lipur og sparsamur. Hann er knúinn áfram af 3 strokka bensínvél sem skilar 68 hestöflum. Citroën C1 er beinskiptur með 1.0i lítra vél með beinni innspýtingu og með eldsneytisnotkun upp á aðeins 4,3 l/100 km í blönduðum akstri. Í nýju gerðinni af C1 hefur verið dregið umtalsvert úr útblæstri koltvísýrings sem er aðeins 99 g/km.

Karakterinn kemur að utan
Með nýju útliti hefur C1 öðlast aukið aðdráttarafl, heilsteyptari persónuleika. Allt ytra útlit bílsins endurspeglar það – allt. Vélarhlífin er styttri, framljósin hringlaga og framstuðarinn endurhannaður sérstaklega fyrir sportleg LED-þokuljósin en þau eru sjaldséð í þessum flokki fólksbíla. Afturhluti C1 er útbúinn nýstárlegum afturljósum (glass tailgate) auk þess sem hann er fyrsti Citroën C1 sem er á 14 tommu „Notus-Design“ dekkjum.
  
Sköpunargleði og tækniframfarir
Nýi C1 er ríkulega útbúinn nýjum tæknibúnaði. Í fyrsta skipti fæst Citroën C1 með gírskiptingu í stýri og rafknúnum gírkassa. Útvarpið hefur fengið nýtt útlit og er í stíl við mælaborðið. C1 er með nýju hljóðkerfi sem les allar mp3-skrár auk þess að vera með tengi fyrir USB og Bluetooth-kerfi.